Azservis, operativ və davamlı olaraq təkmilləşdirilmiş texniki xidmət/əməliyyat və mühəndislik dəstəyi xidmətləri, təhlükəsiz iş mühiti və əməliyyatları nəticəsində ətraf mühitə mənfi təsirlərin minimuma endirilməsi məqsədi ilə İdarəetmə Sistemini daim təkmilləşdirməklə tam müştəri məmnuniyyətinə nail olmaq üçün İnteqrasiya edilmiş İdarəetmə Sistemi yanaşmasını tətbiq edir.
 

Keyfiyyətə nəzarət və SƏTƏM siyasətimizin əsas elementləri bunlardır:

• Hərtərəfli davam edən təlim proqramları vasitəsilə bütün işçilər arasında Keyfiyyətə nəzarət və SƏTƏM məsələlərinə dair məlumatlılığın yaradılması.
• Keyfiyyətə nəzarət və SƏTƏM məqsədlərinin, hədəflərinin və proqramlarının həyata keçirilməsinə birbaşa cavabdeh olan komandaların yaradılması və icrası.
• İş yerində xəsarətlərin minimuma endirilməsi və qarşısının alınmasına diqqət yetirməklə SƏTƏM prosedurları və təcrübələrində davamlı təkmilləşdirməyə çalışmaq.
• Müştəri məmnuniyyəti, işçilərin rifahı, davamlı təkmilləşdirmə, innovasiya, biznes etikası, qanunlara uyğunluq və biznes mükəmməlliyi korporativ fəlsəfəmizin əsas prinsipləridir.

Biz Keyfiyyət, Təhlükəsizlik və Ətraf Mühitin İdarəetmə Sistemlərini əhatə edən İnteqrasiya edilmiş İdarəetmə Sistemi vasitəsilə yuxarıdakı məqsədlərə nail olmaq niyyətindəyik.